صوت طقة عند التعشيق من R الى D او العكس

اذا صوت طقة فا يمكن تحتاج تشحيم عمود الكردان او تغيير الصليبات .
النتعة و السيارة باردة طبيعية و اذا ساخنه اما تحتاج تغيير زيت او زيت ناقص او زايد او تحتاج تنظيف مخ القير البدي بلف 

هلا وغلا اخوي خالد

مشكور ع الرد السريع اول حاجه ابشرك لا يوجد نتعه نهائي بفضل من رب العالمين سواء باردة او ساخنه السيارة لا توجد نتعه فقط المشكلة في الصوت فقط


توقعاتي ممكن صليبات انتظر فرصه بعد الدوام بكرة ان شاء الله اوديها ورشة اشيكها وفي حال طحت ع العله بزودكم بلمشكلة + الحل

تستاهل +1

تقدر تفحص مبدئيا تطفي السيارة و تمسك العمود و تفرق بيدك اذا يتحرك او يلهب يعني تحتاج تغيير الصليبات 

تعديل يلهب = يلعب 

عندي ماونتنير 2002 مايختلف عن الاكسبلورر. كنت اسمع طقه لمن اعشق القير اذا وقفتها ف موقف مايل. بالذات اذا ماوقفلها على البريك بطريقه صحيحه. او اذا ضعف البريك (الجلنط) بحيث السيارة تكون واقفه على القير. فلمن أعشق تسمع صوت طقه. الحل شديت الجلنط و وقفت السيارة على البريك او الجلنط قبل ما اعشق لل p. بمعنى حط القير على ال N اول و بعدها اظغط عى اجلنط لين ماينشد و يمسك كامل السيارة و بعدها اترك رجلك من دعسه الفرامل بحيث ثقل اسيارة كله يوقف بالبريك او الجلنط. بعدها بتشوف الفرق في تعشيق القير بالذات اذا كان الموقف مايل.

ايضا مريت بمشكلة ثانيه بعد فترة من المشكلة الاولى و هي اسمع صوت طقه من التعشيق من الاول الى الثاني او الثاني الى الثالث, و كانت لمبه الاوفر درايف معطيه تنبيه (تولع وتطفي) مع إني ماني مشغل الاوفر درايف. قريت في النت و اتفقوا انه فيه قطعه اسمها سولونويد بالانجليزي تركب فوق فلتر الجربكس لازم تتغير. قلت أفحص كميوتر عشين أتأكد و فحصت ب 100 ريال و أكدلي نفس القطعه لازم تتغير يجي لونها أسود . و اشتريتها قيمتها حدود ال 500 و طبعا لازم تغير فلتر الجربكس و الزيت. و الحمدلله الطقه اللي مع التغيير راحت و التعشيق صار خفيف و اللمبة حق الاوفر درايف طفت لوحدها. طبعا الشغله دي مع الزيت و الفلتر و تركيب القطعه و اجرة العامل كلفت حدود الاف ريال .